“Udhëzuesi për TKI” numër 7 i fondacionit Metamorfozis është për të gjithë, për shkak se secili që dëshiron më mësojë dhe të përvetësojë njohuri të reja mund të ketë dobi prej tij. Ky udhëzues u dedikohet edhe atyre që e krijojnë dhe që dëshirojnë ta shpërndajnë dijen në çdo formë me qëllim që ajo të jetë sa më e qasshme dhe sa më e përhapur.
Nëpër këto faqe mund të njiheni me konceptin e resurseve të hapura arsimore dhe iniciativat e ngjashme, gjendjen në Maqedoni, mund të lexoni shembuj dhe praktika të mira nga zbatimi i tyre nëpër botë, si dhe rekomandime për zhvillimin e tyre në të ardhmen. Qëllimi është që të mësojmë dhe dijen e mësuar ta zbatojmë menjëherë.
