Објавен конкурсот за прием на студенти во државните домови за студиската 2021/2022

Министерството за образование и наука (МОН) ги известува студентите запишани на јавните и на приватните високо-образовни институции во државата, дека е објавен Конкурсот за прием на студенти запишани на додипломски студии во државните студентски домови и во други објекти за сместување во државава, за студиската 2021/2022 година.

„За академската 2021/2022 година за студентите се обезбедени 5.235 легла во државните студентски домови и во други сместувачки објекти, од кои 1.249 легла се за студенти од прва година, а 3.986 легла се предвидени за студенти од втора, трета, четврта, петта и шеста година, како и апсолвенти“, соопштија од МОН.

Право на прием имаат редовни студенти, државјани на РСМ, и кои се школуваат надвор од местото на живеење и се запишани на додипломски студии со траење: помалку од осум семестри, а не повторувале студиска година; осум семестри, а не повторувале повеќе од една студиска година и над осум семестри, а не повторувале повеќе од две студиски години.

За целосниот текст, кликнете тука. Извор: Мета.мк