На 13-14.03.2015 год., во просториите на ЕУ Инфо Центарот во Скопје се одржа меѓународна археолошка конференција на тема „Населби, култура и динамика на популациите во Балканската прaисторија”, посветена на праисторијата. На конференцијата во организација на ХАЕМУС, а поддржана од Алијансата за ООР, присуствуваа 60тина археолози од земјата и странство.
Претходно пак, на 12 март во Музеј на Град Скопје се одржаа промотивни јавни предавања од страна на гостин архелог од Букурешт, Романија, г. Драгош Георгиу и од г. Љубо Фиданоски од Музејот на Град Скопје. Овие предавања го означија почетокот на конференцијата која следеше во наредните 2 дена. Целосната агенда и говорници на настанот се достапни на официјалната веб-страница на конференцијата (на англиски).
Сите предавања се снимени и набрзо ќе бидат објавени како отворени образовни ресурси во ресурсниот центар достапен на www.oer.mk.
