Маја Виденовиќ

---

Институција: ОУ „Крсте Мисирков“ Скопје
Лични сајтови:
http://www.maltaict.blogspot.com/
Кратка биографија: Маја Виденовиќ е наставник по информатика во ООУ „Крсте Мисирков“ Скопје. Се залага за доживотно учење и смета дека најдобар начин за подигање на квалитетот на образованието е преку споделување на искуства, идеи и добри практики меѓу наставниците. Работи постојано на своето професионално усовршување преку разни обуки, семинари, работилници, конференции и слично. Има учествувано во над 10 интернационални конференции и има изготвено 15 труда кои се однесуваат на интеграција на технологијата во наставата. Таа е мастер обучувач на различни теми кои се однесуваат на иновативна примена на ИКТ во образованието, формативно, сумативно оценување и слично. Последни проекти во кои Маја е мастер обучувач се: програмата „Училишта на 21от век“, која има за цел развој на критичко и креативно размислување кај учениците, како и вештини за кодирање; како и користење на Националната платформа за учење на далечина. Таа е надворешен соработник на БРО, како член на работна група за развој на наставни програми за „Работа со компјутер и основи на програмирање“. Како локален експерт била вклучена и во проектот за Професионален и кариерен развој на наставниците, каде учествувала во изготвување на стандарди и компетенции за наставници, наставници ментори и наставници советници, и критериуми за напредување во звања. Учествува во над 30 интернационални проекти преку мрежата на eTwinning, а е училишен координатор на неколку Erasmus+ проекти. Маја Виденовиќ е Leading Codeweek Teacher, eTwinning Ambassador, Scientix Ambassador, Microsoft Innovative Education Expert, обидувајќи се да вклучи што е можно повеќе наставници во овие проекти, да ги инспирира и мотивира наставниците за иновативно користење на технологија. Таа е еден од основачите на здружението „Центар за иновации и дигитална едукација“, чиј главен фокус е изнаоѓање на различни начини за континуиран професионален развој на наставниците и обезбедување на квалитетна настава, со посебен акцент на креирање виртуелни околини за учење и користење на едукативни игри во наставата. Маја Виденовиќ е дел и од инизијативата „Наука за деца“, чија цел е поттикнување и поддршка на дигиталното образование во Македонија преку промоција на дигитални ресурси.