Археолошкиот музеј објави онлајн тура низ локалитетот „Тумба Маџари“

Археолошкиот музеј на Република Северна Македонија објави онлајн тура на отворениот музеј “Неолитското село” во археолошкиот локалитет Тумба Маџари во Скопје, кој е затворен за посетители согласно здравствените протоколи поради корона вирусот.

Техничката изработка на виртуелната прошетка е на Дончо Наумовски, а текстуалната поддршка на Елена С. Канзурова.

Во музејот под отворено “Неолитско село” се изградени неколку куќи во духот на неолитската архитектура. Во нивната внатрешност преку копии на разновиден движен и недвижен покуќнински инвентар, како и сцени од секојдневниот живот, е направен обид за реконструкција на дел од животот на неолитскиот човек кој живеел на територијата од Македонија и пошироко пред 8000 години.

извор: Мета.мк