Се суспендираат активностите во рамки на проектот „Отворени Образовни Ресурси“

По препораката на Комисијата за заразни болести при Министерството за Здравство, и затворањето на сите основни училишта, тимот кој го спроведува проектот „Отворени Образовни Ресурси“ во Фондацијата Метаморфозис ги суспендира активностите поврзани со проектот. Будно ќе ја следиме ситуацијата, и препораките од надлежните институции, па штом се овозможат безбедни услови за спроведување на обуките и презентации, ООР активностите ќе продолжат.

Дотогаш, остануваме во комуникација и соработка со наставниот кадар преку веб сајтот www.oer.mk, каде може слободно да се преземаат ООР, и секако, да се прикачуваат и споделуваат оригиналните, авторски ресурси, се разбира, соодветно лиценцирани со Криејтив Комонс лиценците.

Проектот „Отворени Образовни Ресурси“ го спроведува Фондацијата Метаморфозис, со поддршка од Фондацијата Отворено општество – Македонија.